1992-ci il fevralın 25-dən 26-na keçən gecə erməni silahlı birləşmələri Rusiyanın 366-cı motoatıcı alayının iştirakı ilə Xocalı şəhərini işğal edərkən, etnik azərbaycanlılara qarşı soyqırım aktı törədilmişdir. Bu faciənin üstündən əsrlər keçsə də, xalqımızın qan yaddaşından erməni vəhşilikləri, günahsız soydaşlarımızın başına gətirilən müsibətlər heç bir zaman unudulmayacaqdır.          Xocalı soyqrımının 29-cu ildönümü ilə əlaqədar xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində ağacəkmə aksiyası keçirildi. Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” beynəlxalq kampaniyası çərçivəsində təşkil edilən aksiyada soyqırımı qurbanlarının xatirəsinə Xocalı şəhər 4 saylı tam orta məktəbin həyətində 613 ağac əkildi.  Aksiyada rayonumuzun rəhbəri Şahmar Usubov, idarə, müəssisə və təşkilatların nümayəndələri, gənclər iştirak etdilər.